Oras

"Ang oras na ikukumpara mo sa yosi ay ang oras na unti unting nauubos. Kala mo masaya ka pero pag dating sa mga dulo ng upos at pagkatapos ng malalimang pag iisip. Doon mo malalaman na wala ka palang napala. Sandaling ligaya katumbas ng pang matagalang pinsala sayong buhay at pagkatao." - saniwani

Nasa utak ko yan, OO.

Alam ko na yan ang tama at alam ko na yan ang makapagpapabuti at makapag papaganda sa buhay ko balang araw.

Pero bakit ganon?

Di pa siguro sapat ang determinasyon ko para gampanan ang mga sinasabi ng utak ko.

Paulit ulit na paalala at pangaral sa sarili;

Halos isang buwan na lang sani, kailan mo ba paninidigan ang mga pangako mo sa buhay mo? Kailan mo ba bubuklatin ang mga libro mo at mangangakong magiging faithful ka sa kanila at di mo sila lulubayan kahit sa mga natitirang araw na lang?

Sani wag mo muna akong laruin. Tama na muna ang DOTA, tiis lang kahit sa mga natitirang araw na lang. Pag nakuha mo naman ang dapat mong makuha pwede tayong mag sama kahit magdamag kung gugustuhin mo e.

Sani wag na wag kang mag lolog in ha? Kahit ba sabihin mong may titignan ka lang. Mawawala ka na sa focus pag may nag comment, natural mag rereply ka at maghihintay ulit ng reply. Mawawala ka sa focus pag may nakausap ka. Mawawala ka sa focus pag may nakita kang kakaiba.

Sani tama na muna ang pag nenet, tama na muna ang panunuod ng videos, pag babasa ng kung anu anong kahit sabihin mong may matutunan ka ay di ka naman nito matutulungan sa problemang dapat mong unahin, dahil nauubos na ang oras.

Sani tama na muna ang saya.

Tulad nga ng pumasok sa utak ko kanina habang nagyoyosi ako.

Ang pag gugol ko sa oras ko ay parang pagyoyosi.

Puro saya, at pag ako'y nag iisip na. Alam kong maling mali at wala akong MAPAPALA.

Oo nag aaral naman ako. Pero aminado ako ng marami akong sinasayang na oras.

Ang himutok ng utak ko ngayon ay ang galit sa sarili na bakit ba hindi ko muna maisantabi ang mga bagay na yun.

Bakit ba hindi ko muna maisantabi ang lighter at posporo upang hindi na muna masindihan ang yosing sisira sa buhay ko?

Sana magawa ko. Sana maging deserving ako sa mga dasal ko, at sa mga suporta at tiwalang binabato saakin ng mga taong naniniwala.

Tama na muna sana ang mga oras na maikukumpara sa pagyoyosi.

Itabi na muna sana ang mga posporo at lighter, ipatay muna ang baga at kunin na lang at muling sindihan pagkatapos ng problemang dapat unahin dahil nauubos na ang oras.

Pagkatapos ng PROBLEMA...

Masarap IBUGA ang USOK mula sa damdaming SUMISIGAW ng BWAHAHA!!!

* Oct. 28, 2009. Licensure Examinations for Customs Brokers.
Malapit na, Isa sa mga araw na magiging highlight ng buhay ko..
Sani, PLEASE? behave? ok?...